काठमाडौं । नेको इन्स्योरेन्स लिमिटेले संस्थापक शेयर बिक्री गर्ने भएको छ । कम्पनीले १० लाख ७० हजार २०६ कित्ता संस्थापक शेयर बोलकबोलबाट बिक्री गर्ने भएको हो।
संस्थापक शेयर खरिद गर्न विद्यमान संस्थापक शेयरधनी लगायत अन्य इच्छुक व्यक्ति तथा संस्थाहरुले असोज २० गतेदेखि आवेदन दिन सक्ने कम्पनीले जनाएको छ । शेयर बिक्री प्रबन्धक सनराइज क्यापिटल लिमिटेड छ ।
संस्थापक शेयरको न्यूनतम मूल्य ३१५ रुपैयाँ तोकिएको छ । खरिदकर्ताले सो भन्दा बढी रकम प्रस्ताव गर्नुपर्ने छ । बोलपत्र पेश गर्ने अन्तिम दिन कात्तिक ४ गते तोकिएको नेकोले जनाएको छ ।
कम्पनीको शेयर मूल्य दोस्रो बजारमा ८१९ रुपैयाँमा कारोबार भएको छ । लगानीकर्ताले न्यूनतम ५ हजार कित्ताका लागि आवेदन दिनु पर्नेछ ।
वि.सं.२०७७ असोज १३ मंगलवार ०९:५१ मा प्रकाशित
