काठमाडौं । स्वास्थ्य तथा जनसंख्यामन्त्री भानुभक्त ढकालले पुनः लकडाउन नहुने बताउनुभएको छ ।
व्यवसायिक प्रतिनिधि मण्डलसँगको आजको भेटमा मन्त्री ढकालले पुनः लकडाउन नहुने बताउनुभएको हो । मन्त्रालयले असोज ७ गते सक्रिय संक्रमितको संख्या २५ हजार नाघे फेरि लकडाउन गर्न सिफारिस गरेको थियो ।
आज राष्ट्रिय व्यवसायिक पहल (एनबीआई) का अध्यक्ष कुशकुमार जोशीको नेतृत्वमा गएको एक प्रतिनिधि मण्डलसँग कुरा गर्दै मन्त्री ढकालले लकडाउनको विषयमा आएको समाचारमा सत्यता नभएको बताउँदै सरकार अब लकडाउनलाई निरन्तरता दिने मनस्थितिमा नरहेको जानकारी गराउनुभएको छ ।
उहाँले सीमित श्रोत र साधनका बाबजूद सरकार अधिकतम सेवा पुर्याउन प्रयासरत रहेको भन्दै आमनागरिकले निर्धारित मापदण्डको पालना गर्न सहयोग गर्नुपर्ने बताउनुभयो ।
वि.सं.२०७७ असोज १६ शुक्रवार १५:४९ मा प्रकाशित