काठमाडौं । बैंक अफ काठमाण्डूले मंसिर २४ गतेदेखि ऋणपत्र निष्कासन गर्ने भएको छ ।
कम्पनीले १६ लाख कित्ता ऋणपत्र निष्कासन गर्न लागेको हो । जसमध्ये ६ लाख ४० हजार कित्ता सर्वसाधारणको लागि र बाँकी रहेको ९ लाख ६० हजार कित्ता व्यक्तिगत तबरबाट विक्री गरिने छ ।
लगानकर्ताले कम्पनीको ऋणपत्रमा छिटोमा मंसिर २८ र ढिलोमा पुस ८ गतेसम्म आवेदन गर्न सक्नेछन् । न्यूनतम २५ कित्ता र अधिकतम ३ लाख कित्ताको लागि आवेदन गर्न मिल्ने कम्पनीले बताएको छ ।
कम्पनीले निष्कासन गर्ने ऋणपत्र १० वर्ष सम्मको लागि वार्षिक ८ दशमलव ५ प्रतिशत ब्याजदर भएको उल्लेख गरेको छ । निष्कासन तथा विक्री प्रबन्धकमा नबिल इन्भेष्टमेण्ट बैंकिङ रहेको छ साथै आवेदकले सि आस्वा सेवामा सहभागि बैंक तथा वित्तीय संस्था र तिनका शाखा कार्यालयहरुबाट आवेदन गर्न सक्नेछन् ।
कम्पनीले निष्कासन गर्ने ऋणपत्रलाई इक्रा नेपालले मध्यम जोखिम जनाउने इक्राएनपी बिबिबि प्लस रेटिङ प्रदान गरेको छ । यसले समयमानै वित्तीय दायित्व पुरा गर्ने तथा मध्यम कर्जा जोखिम रहने देखाउँछ ।
वि.सं.२०७७ मंसिर २३ मंगलवार ११:१६ मा प्रकाशित
