काठमाडौं । प्रभु लाइफ इन्स्योरेन्स लिमिटेडले मंसिर २९ गते सोमबारदेखि प्राथामिक सेयर (आईपीओ) निष्कासन गर्ने भएको छ । कम्पनीले दरमा ६० करोड रुपैयाँ बराबरको कुल ६० लाख कित्ता आईपीओ निष्कासन गर्न लागेको हो ।
कुल निष्कासन मध्ये ३ लाख कित्ता कर्मचारी र ३ लाख कित्ता सामूहिक लगानी कोष (म्युचुअल फन्ड) लाई छुट्याइएको छ । बाँकी ५४ लाख कित्तामा सर्वसाधारणले आवेदन दिन सक्ने कम्पनीले जानकारी दिएको छ ।
आईपीओ निष्कासन बन्द छिटोमा पुस २ गते र ढिलोमा १३ गतेसम्म खुला हुनेछ । आईपीओमा न्यूनतम १० कित्तादेखि अधिकतम ५ हजार कित्ताका लागि आवेदन दिन सकिनेछ । निष्कासन बिक्री प्रबन्धकमा सिद्धार्थ क्यापिटल लिमिटेड रहेको छ ।
मेरो सेयरमार्फत आईपीओ भर्न सकिनेछ । इक्रा नेपाल लिमिटेडले ‘इक्राएनपी–आइआर बीबी प्लस’ रेटिङ दिएको छ । प्रभुको चुक्ता पुँजी १ अर्ब ४० करोड रुपैयाँ रहेको छ । आईपीओ बाँडफाँडपछि चुक्तापुँजी २ अर्ब रुपैयाँ पुग्नेछ ।
वि.सं.२०७७ मंसिर २७ शनिवार ११:२५ मा प्रकाशित