काठमाडौं । मेगा बैंकको पुस १ गते बसेको सञ्चालक समितिको बैठकले १३.०५ प्रतिशत लाभांश वितरण गर्ने प्रस्ताव गरेको छ ।
बैंकले १० प्रतिशत बोनस शेयर र ३.०५ प्रतिशत नगद लाभांश वितरण गर्ने प्रस्ताव गरेको हो । यो लाभांश कम्पनीका गत आर्थिक वर्षको अन्त्यसम्म कायम सञ्चित मुनाफा र अन्य कोषहरुबाट हाल कायम चुक्तापूँजीको आधारमा वितरण हुनेछ ।
हाल उक्त कम्पनीको चुक्तापूँजी रू. १३ अर्ब ३२ करोड २६ लाख ९५ हजार रहेको छ । प्रस्तावित यो लाभांश नेपाल राष्ट्र बैंकको स्वीकृति पश्चात बैंकको आगामी साधारण सभाले पारित गरेपछि वितरण हुनेछ ।
वि.सं.२०७७ पुस २ बिहीवार ११:५२ मा प्रकाशित
