काठमाडौं । नेपाल स्टक एक्सचेञ्ज (नेप्से)ले आइतवार समता लघुवित्त वित्तीय संस्था लिमिटेडको बोनस शेयरको मूल्य समायोजन गरेको छ ।
नेप्सेले २० प्रतिशत बोनस शेयरको समायोजनपछि शेयरमूल्य रू. ५५० तोकेको छ । कम्पनीको अघिल्लो कारोबारको दिन अर्थात बिहीवार कायम अन्तिम शेयरमूल्य रू. ६६० को आधारमा शेयरमूल्य समायोजन भएको हो ।
कम्पनीले लाभांश तथा साधारण सभा प्रयोजनार्थ आइतवार बुकक्लोज गरेसँगै नेप्सेले शेयरमूल्य समायोजन गरेको हो । कम्पनीले २० प्रतिशत बोनस शेयर र ६ दशमलव ३२ प्रतिशत नगद लाभांश (कर समेत) पारित गर्न पुस १४ गते सातौँ वार्षिक साधारण सभा बोलाएको छ ।
कम्पनीले होटल क्लासिक प्रा. लि, सिमरा, बारामा बिहान १०ः३० बजे सभा बोलाएको हो ।
वि.सं.२०७७ पुस ५ आइतवार ०९:२४ मा प्रकाशित