बागलुङ । बागलुङको ढोरपाटन उद्योग वाणिज्य संघ, बुर्तिबाङ र यहाँ स्थित वस्तुगत व्यवसायीबीचको संयुक्त बैठकले, आगामी पौष ११ शनिवारदेखि हरेक हप्ता बजार बन्द गर्ने निर्णय गरेको छ ।
बुर्तिबाङ बजारमा उस्तै पेशा व्यवयाय गर्ने १८ वटा वस्तुगत समितिका अध्यक्ष, सचिव र संघका पदाधिकारीबीचको संयुक्त बैठकले हरेक हप्ताको शनिवार बजार बन्द गर्ने निर्णय गरेको हो ।
सबै वस्तुगत समितिको पुनरगठन र भेलाबाट आएको रायका आधारमा अधिकांश वस्तुगत समितिले शनिबार बन्दको प्रस्ताव ल्याएपछि, संघले बन्दलाई व्यवस्थित गर्ने र त्यस सम्बन्धमा वस्तुगत संगठनको समेत सक्रियता हुने विषयमा सहमति भएको संघका अध्यक्ष चिन्तामणी शर्माले बताउनुभयो ।
यस अघि हरेक महिनाको १ गते र १५ गते बजार बन्द भइरहेकोमा अव भने हरेक हप्ताको शनिवार बजार बन्द रहने व्यवस्था गरिएको अध्यक्ष शर्माले जानाकारी दिनुभयो ।
वि.सं.२०७७ पुस १० शुक्रवार ११:१४ मा प्रकाशित