काठमाडौं । नेपालमा अहिलेसम्मकै सबैभन्दा ठूलो आइपीओ माघ २ गतेदेखि खुल्ने भएको छ । अहिलेसम्मकै सबैभन्दा ठूलो आइपीओ नेपाल इन्फ्रास्टक्चर बैंक लिमिटेडको खुल्ने भएको हो।
बैंकले भोलि शुक्रवारदेखि कूल ८ अर्ब रुपैयाँ रुपैयाँ बराबरको प्राथमिक सेयर (आईपीओ) निष्काशन तथा बिक्री खुला गर्न लागेको हो । बैंकले प्रतिकित्ता सय रुपैयाँका दरले ८ करोड कित्ता शेयर निश्कासन गर्न लागेको हो ।
जसमध्ये कुल शेयरको ० दशमलव २ प्रतिशत अर्थात १ लाख ६० हजार कित्ता कर्मचारीका लागि छुट्याईएको छ। म्युचुअल फण्डका लागि ० दशमलव ५ प्रतिशत अर्थात ४ लाख कित्ता शेयर छुट्याइएको छ ।
बाँकी रहेको ७ करोड ५८ लाख ४० हजार कित्ता शेयर सर्वसाधारणका लागि छुट्याइएको छ । शेयर निष्काशन तथा बिक्री प्रबन्धकमा एनआईबीएल एस क्यापिटललाई तोकिएको छ।
क्यापिटलका अनुसार कम्पनीको सेयरमा न्यूनतम १० कित्तादेखि अधिकतम २ करोड कित्तासम्म आवेदन दिन सकिने छ । यससँगै इच्छुक सर्वसाधारणले छिटोमा माघ ६ गतेसम्ममा आवेदन दिन पाउने छन् ।
वि.सं.२०७७ माघ १ बिहीवार १७:३८ मा प्रकाशित