काठमाडौं । पठाओ नेपाल, राईड शेयरिंग तथा फुड डेलिभरी एपले ग्राहकहरु र राईडर/चालकलाई बीमा सुविधा प्रदान गर्न एभरेष्ट इन्स्योरेन्ससंग साझेदारी पत्रमा हस्ताक्षर गरेको छ ।
उक्त साझेदारी अन्तर्गत राईडको दौरानमा कुनै पनि ग्राहक तथा राईडर/चालकहरुको दुर्घटनामा हुने मृत्यु, अपाङ्गता जस्तो अवस्थामा बढीमा रु ५ लाखसम्मको बीमा रकम प्राप्त गर्नेछन् । यसको साथै कुनै पनि ग्राहक तथा राईडर/चालक साथीहरुले रु १ लाख सम्मको दुर्घटना उपचार बीमा पनि पाउँनेछन् ।
यी दुवै सेवाहरु उपयोग गर्नका लागि सम्बन्धित व्यक्तिले दुर्घटना भए पश्चात ३० दिनभित्र बीमा कम्पनीको नियमानुसार तोकिएको कागजातहरु सहित निवेदन गर्नु पर्दछ । पठाओ एप प्रयोग गर्ने कुनै पनि ग्राहक तथा राईडर/चालकहरुले यो सुविधा लिन सक्नेछन् ।
वि.सं.२०७७ माघ ९ शुक्रवार १७:१६ मा प्रकाशित
