काठमाडौं । सरकारले जनगणना २०७८ का लागि ३९ हजार गणक र ८ हजार सुपरीवेक्षक पदमा भर्ना खोलेको छ ।
करारमा उक्त परिमाणका कर्मचारी भर्नाका लागि केन्द्रीय तथ्यांक विभागले आइतबार दरखास्त आह्वान गरेको छ । इच्छुक व्यक्तिले केन्द्रीय तथ्यांक विभागको वेबसाइटमार्फत ६० दिनभित्र अनलाइन दरखास्त फारम भर्न सक्ने छन् ।
स्नातक तह वा सोसरह उत्तीर्ण गरेको व्यक्तिले सुपरीवेक्षक र गणक दुवै पदका लागि दरखास्त दिन सक्ने छन् । तर भर्ना भने कुनै एक पदका लागि मात्र लिइने विभागले स्पष्ट पारेको छ । त्यस्तै प्लस टु वा सो सरह उत्तिर्ण व्यक्तिले गणकका लागि आवदेन दिन सक्नेछन् ।
केन्द्रीय तथ्याङ्क विभागले हरेक १०/१० वर्षमा जनगणना गर्दै आएको छ । नेपालमा जनगणनाको शुरुवात १९६८ सालदेखि सञ्चालन गरिँदै आएको छ ।
विस्तृतका लागि तलको लिंककमा क्लिक गर्नुहोस्
https://censushrms.cbs.gov.np/
वि.सं.२०७७ माघ ११ आइतवार १५:११ मा प्रकाशित
