काठमाडौं । नेपाल कम्यूनिष्ट पार्टी (नेकपा) को पुष्पकमल दाहाल र माधव नेपाल समूहले गरेको आम हड्तालका कारण व्यवसायी पलायन हुने दिन आउन नदिन राष्ट्रिय व्यापार संघले आग्रह गरेको छ ।
कोरोना महामारिले थिलथिलो पारेर भर्खरै उठ्न लागेको ब्यापार व्यवसायलाई आम हड्तालले फेरि टाउकोमा हान्न खोजेको र यसले व्यवसायीलाई पलायनतर्फ उन्मुख गरेको संघको ठहर छ । ।
संघका महासचिव बैकुण्ठ दाहालले राजनीतिक दलले बन्द, हड्ताल, धर्ना, जुलुस जस्ता व्यवसायीक वातावरण बिथोलिने कार्यक्रम नगर्न/नगराउन संघले आग्रह गरेका बताए ।
हाल उत्पन्न परिस्थितिलाई धर्ना, जुलुस र बन्दका माध्यमबाट समाधान खोजिनु भन्दापनि वार्ता र छलफलका माध्यम समस्याको समाधान गरेर उद्योग व्यवसायालई सहजै चल्न दिनुपर्ने उनको सघको माग समेत रहेको छ ।
‘बन्द हड्ताल जस्ता कृयाकलापले गरिखाने बर्गलाई प्रत्यक्ष असर पर्ने हुँदा यस्ता अवाञ्छित गतिबिधिबाट टाढै रहन समेत राजनीतिक दलहरूलाई संघ सचेत गराएको छ ।
गरिखाने वर्ग सधै बन्दको बिरोधिमा रहेको र यस्ता बन्दको कुनैपनि कार्यक्रममा नगर्न÷नगराउन राजनीतिक दलसँग संघले माग समेत गरेको छ ।
वि.सं.२०७७ माघ २२ बिहीवार १२:३९ मा प्रकाशित