काठमाडौं । अर्थ सचिव डा.शिशिर ढुंगानाका अनुसार मिलेनियम च्यालेन्ज कर्पाेरेसन (एमसीसी) को लागि सरकारले ८ अर्ब रुपैयाँ खर्च गर्ने गरी स्रोत व्यवस्थापन गरेको छ ।
अर्थमन्त्रालयमा आयोजित आर्थिक वर्ष २०७७-७८ को बजेटको अर्धवार्षिक समीक्षामा सचिव ढुंगानाले सरकारले चालु आवमा सरकारले ८ अर्ब रुपैयाँ स्रोत व्यवस्थापन गरिएकोमा अहिलेसम्म २ अर्ब रुपैयाँ बिनियोजन गरिसकेको बताउनु भएको हो । अहिले यसको लागि सडक निर्माण र जग्गा अधिग्रहणको काम भइरहेको छ ।
उहाँको अनुसार अहिले नुवाकोटको रातमाटेमा जग्गा अधिग्रहणको काम तिब्र गतिमा भइरहेको छ । यसमा विषयमा सरकारले आफ्नो धारणा अनुसार नै काम गरिरहेको जानकारी गराउनु भयो । त्यसमा सरकारले स्रोत व्यवस्थापनमा कमी आउने नदिने उहाँको भनाइ छ ।
यता अर्थ मन्त्री बिष्णुप्रसाद पौडेलले एमसीसी आगामी निर्वाचनपछि बन्ने संसदले पारित गर्ने बताउनु भएको छ । उहाँका अनुसार निर्वाचनपछि बन्ने संसदले एमसीसी पास गरेरै छोड्छ ।
वि.सं.२०७७ माघ २७ मंगलवार १६:४७ मा प्रकाशित