काठमाडौं । नेपाल राष्ट्र बैंकले चालु आर्थिक वर्षको मौद्रिक नीतिको अर्धवार्षिक समीक्षामा सेयर धितो कर्जाको सिमा घटाउने चर्चा सँगै सेयर बजारमा गिरावट आएको छ ।
पछिल्लो समयमा बैंकहरुले सेयर धितोमा कर्जा बढाएका छन् । अन्य क्षेत्रमा कर्जा प्रवाह नभएपछि बैंकहरुले सेयर लगानीकर्तालाई बोलाएर नै कर्जा दिने गरेका छन् ।
जसले गर्दा पनि बजारको उछाल आउनुका साथै कारोबार रकममा पनि बढोत्तरी देखिएको छ । तर राष्ट्र बैंकले मौद्रिक नीतिको अर्धबार्षिक समीक्षामा हाल काम रहेको सेयर धितोकर्जाको सिमा ७० प्रतिशतकबाट घटाउने चर्चाले बजारमा गिरावट आएको बताइन थालेको छ । राष्ट्र बैंकले सेयर धितोकर्जाको सिमा घटाउने भनेपनि कति घटाउने भन्ने यकिन भएको छैन ।
आज साताको अन्तिम कारोबार दिन (बिहीवार) नेप्से १६ दशमलव ११ अंकले घट्को छ । आज आठ अर्ब ४१ करोड १७ लाख ३२ बराबरको कारोबार भएको छ । बैंकिङ समूहको उपसूचक १०.७९, विकास बैंक २०.१४ अंकले बढेको छ भने बाँकी समूहको उपसूचकमा गिरावट आएको छ ।
सबैभन्दा बढी जीवन बीमा २१४.३९, निर्जीबन बीमा २०७.२२, माइक्रोफाइनान्स समूहको उपसूचक १२८.०५ अंकले घटेको छ । कारोबार रकमको आधारमा डिप्रोक्स लघुवित्त वित्तीय संस्था अग्रस्थनमा रहेको छ। संस्थाको ५६ करोड ६३ लाख २९ हजार रुपैयाँको सेयर किनबेच भएको छ । दोस्रो र तेस्रो स्थानमा नबिल बैंक र कुमारी बैंक रहेका छन् ।
कारोबारमा चन्द्रागिरी हिल्स, लुम्बिनी विकास बैंक, ज्योति विकास बैंक, अरुण भ्यालि हाईड्रोपावर कम्पनीका लगानीकर्ताले कमाएका छन भने सपोर्ट माइक्रोफाइनान्स, डिप्रोक्स लघुवित्तको कारोबारमा नकारात्मक सर्किट लागेको छ ।
वि.सं.२०७७ माघ २९ बिहीवार १५:०६ मा प्रकाशित
