काठमाडौं । साताको पहिलो दिन आइतबार सेयर बजार स्थिर उन्मुख देखिएको छ । कारोबारमा निकै उतार चढावकाबीच बजारमा सामान्य सुधार देखिएको छ । बजार मापन गर्ने सूचक ३.६६ अंकले बढेर २६४०.३४ बिन्दुमा रोकिएको छ ।
२०७ कम्पनीको २ करोड ४३ लाख ५ हजार ५५ हजार कित्ता सेयर ८ अर्ब ८३ करोड ४६ लाख ३ हजार ९६७ रुपैयाँको सेयर किनबेच भएको छ । कारोबारमा बैकिङ समूहको उपसूचक ७.१३ अंकले घटेको छ भने निर्जीन बीमा ८३.८८, माइक्रोफाइनान्स ४५.४६, जीवन बीमा समूहको उपसूचक ३६१.४६ अंकले घटेको छ । कारोबार विकास बैंक, जलविद्युत, अन्य समूहको उपसूचकमा सुधार देखिएको छ ।
कारोबार रकमको आधारमा नेपाल बैंक अग्रस्थानमा रहेको छ । बैंकको ६१ करोड ७४ लाख ७५ हजार ६७२ रुपैयाँको सेयर बिनबेच भएको छ । दोस्रो र तेस्रो स्थानमा नेपाल इन्फ्रास्टक्चर बैंक, ग्लोबल आईएमई बैंक रहेको छ । माथिल्लो तामाकोशी, शिव श्री हाईड्रोपावर, नेपाल इन्फ्रास्टक्चर बैंक, नेपाल हाईड्रो डेभलपर्स, चन्द्रागिरी हिल्सको कारोबारमा सकारात्मक सर्किट लागेको छ । बेस्ट फाइनान्स, किसान लघुवित्त वित्तीय संस्था, सबैका लघुवित्त वित्तीय संस्था, समिट लघुवित्त वित्तीय संस्थाका लगानीकर्ताले गुमाएका छन् ।
वि.सं.२०७७ फागुन ९ आइतवार १५:११ मा प्रकाशित