काठमाडौं । फागुन २१ गतदेखि नागरिक लगानी कोषले ३ लाख ५४ हजार कित्ता शेयर लिलामी मार्फत बिक्री गर्ने भएको छ ।
कोषले हकप्रदमा अवितरित ३ लाख ५४ हजार १ सय ५० दशमलव ०५ कित्ता शेयर बिक्री गर्न लागेको हो । उक्त लिलामी शेयरमा फागुन २१ देखि चैत्र १२ गतेसम्म आवेदन सकिनेछ ।
शेयर किन्न इच्छुकले आरविवि मर्चेन्टको कार्यालय टेकु, राष्ट्रिय वाणिज्य बैंकका शाखाहरु बिरगंज, जनकपुर्, नारायणगढ, बाग्लुंग, रुपन्देही, बुटवल ,नेपालगंज, वीरेन्द्रनगर, धनगढी, बिर्तामोड, हेटौडा, तुलसीपुर र महेन्द्रनगर शाखाबाट आवेदन दिन सक्ने छन् ।
त्यस्तै, नागरिक लगानी कोषको काठमाडौँ, बिराटनगर र कास्की शाखाबाट आवेदन दिन सकिने छ ।
वि.सं.२०७७ फागुन १२ बुधवार १०:५६ मा प्रकाशित
