काठमाडौं । महिला लघुवित्त वित्तीय संस्थाको आईपीओको नतिजा लगानीकर्ताहरुले अब अनलाइन सञ्चार माध्यमबाट हेर्न नपाउने भएका छन् ।
सिडिएस एण्ड क्लियरिङ लिमिटेड (सिडिएससी)ले गरेको नयाँ व्यवस्था अनुसार महिला लघुवित्तको आईपीओको नतिजा अब तीन ठाँउबाट मात्रै हेर्न मिल्ने छ । जसमा आईपीओ निष्काशन गर्ने कम्पनीको वेवसाइट, बिक्री प्रबन्धकको वेवसाइट र सिडिएस एण्ड क्लियरिङ लिमिटेडको मेरो सेयर मार्फत मात्रै हेर्न पाइने छ ।
अब अनलाइनहरुले आईपीओको नजिता राख्न पाउने छैनन् । महिला लघुबित्तको आईपीओ शुक्रबार बिहान ८ बजे बाँडफाँड हुने नेपाल एसविआई मर्चेन्ट बैंकिङ्गले जनाएको छ । लगानीकर्ताले शुक्रबार आफूलाई महिला लघुवित्तको आईपीओ पर्यो वा परेन भनेर थाहा पाउनको लागि महिला लघुवित्तको वेवसाइट, नेपाल एसबिआई मर्चेन्टको वेवसाइट र मेरो सेयरबाट थाहा पाउन सक्नेछन् ।
वि.सं.२०७७ फागुन १३ बिहीवार १३:३७ मा प्रकाशित
