काठमाडौं । ज्योति लाइफ इन्स्योरेन्सको साधारण सेयर (आईपीओ) आवेदन दिने लगानीकर्ताले मेरो सेयर नखुलेको कारण सास्ती खेप्नु परेको छ ।
आज (शुक्रबार) देखि खुलेको आईपीओमा मेरो सेयरबाट अनलाइमा आवेदन दिन तयार भएका लगानीकर्ता मेरो सेयर नखुलेका कारण हैरानीमा परेका हुन ।
यो समाचार तयार पार्दासम्म मेरो सेयरको सेवा अवरुद्ध भएको । सिडिएससीका अनुसार अहिले मेरो सेयर सफ्टवेयरमा प्राविधिक समस्या देखिएको छ । अहिले सिडिएससीले मेरो सेयरमा देखिएको प्राविधिक समस्या समाधान गर्न लागि परेको जानकारी गराएको । केही समयमा नै मर्मत सक्ने र पुरानै लयमा फर्कने पनि जनाएको छ । आइतबारबाट कम्पनीको आईपीओ खुल्ने भनेपनि मेरो सेयरले लोड धान्न नसक्ने भन्दै शुक्रबारबाट नै आईपीओ निष्काशन भएको हो ।
कम्पनीले प्रतिकित्ता १०० रुपैयाँको दरले ६६ करोड रुपैयाँको ६६ लाख कित्ता सेयर निष्काशन गरेको हो । जसमा । कम्पनीका कर्मचारीले ३ लाख ३० हजार कित्ता र सामुहिक लगानी कोषलाई पनि ३ लाख ३० हजार कित्ता छुट्याइएको छ । बाँकी रहेको ५९ लाख ४० हजार कित्तामा सर्वसाधारण लगानिकर्ताले आवेदन दिन पाउनेछन् ।
आईपिओमा न्युनतम १० कित्ता अधिकतम ६६ हजार कित्ता सम्म आवेदन दिन सक्नेछन । आईपीओमा फागुन २६ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेमा चैत ६ गतेसम्म आवेदन दिन सकिने छ । यसको बिक्री प्रबन्धकमा एनएमबी क्यापिटल रहेको छ । लगानिकर्ताले सि आश्वा सदसय बैक तथा वितिय संस्था र मेरो सेयरबाट पनि आवेदन दिन सकिनेछ ।
वि.सं.२०७७ फागुन २१ शुक्रवार १२:०७ मा प्रकाशित
