काठमाडौं । नेपाल स्टक एक्सचेन्ज (नेप्से)ले राष्ट्रिय बीमा कम्पनीको सेयर कारोबार फुकुवा गरेको छ । नेप्सेका अनुसार कम्पनीले बार्षिक प्रतिवेदन र वित्तीय विवरण नपठाएको भन्दै कारोबार रोक्का भएको थियो ।
नेप्सेले कम्पनीलाई माघ १२ गते निर्देशन दिएकोमा माग गरिए बमोजिमका कागजातहरु पेश नगरेकोले माघ १८ गतेको निर्णय अनुसार कम्पनीले धितोपत्र दोस्रो बजारमा कारोबार रोक्का राखेको थियो ।
माघ २५ को निर्णय अनुसार पुनः के कारण माग गरेको कागजात नपठाएको हो भन्दै अर्को प्रष्टिकरण सोधिएको थियो । नेप्सेको पटक पटकको निर्देशन पछि आर्थिक वर्ष २०७५/०७६ को अपरिष्कृत वित्तीय विवरण र अन्य अपरिष्कृत त्रैमासिक तथा अर्धबार्षिक वित्तीय विवरण पठाएको छ ।
उक्त विवरण नेप्सेको वेवसाइटमा अपलोड गरेपछि चैत १ गतेको निर्णय अनुसार २ गतेदेखि धितोपत्रको दोस्रो बजार कारोबार फुकुवा गरिएको नेप्सेले जनाएको छ ।
वि.सं.२०७७ चैत २ सोमवार १३:१३ मा प्रकाशित
