काठमाडौं । सिभिल बैंकले नगद रहित अभियानलाई निरन्तरता दिंदै धनगढीको दैनिक कृषि उपज हाट बजारका विभिन्न ब्यापारीहरुलाई क्युआर कोड वितरण गरेको छ ।
उक्त बजारका विभिन्न ब्यापारीहरुलाई बैंकको क्युआर कोड वितरण गरि नगदरहित अभियानलाई प्रोत्साहन गरेको छ । सो कार्यक्रममा नेपाल राष्ट्र बैंक धनगढीका प्रमुख निर्देशकसुवास चन्द्र घिमिरले हाल विद्यमान कोरोनाको महामारीमा आफूलाई जोगाउन मात्र नभई नोट छपाई गर्दा खर्च हुने तथा विदेशीने मुद्रा बचाउन र सबै नेपालीको बैंक खाता भन्ने अभियानलाई समेत आत्मसात गर्न पनि नगदरहित अभियान अपरीहार्य कुरा भएको बताउनुभयो । साथै नगदरहित अभियानलाई प्रभावकारी बनाउन क्युआर कोडलाई सर्वव्यापी रुपमा लैजानु पर्नेमा जोड दिनुभयो ।
बैंकले आफ्नो ग्राहकहरुलाई क्युआर कोडको प्रयोग गरी विद्युत्तीय प्रणाली मार्फत विभिन्न किसिमका नगद रहित भुक्तानी सेवा उपयोग गर्न प्रोत्साहन गर्दै आएकोमा यसरी नै विभिन्न व्यापार व्यवसायहरुमा क्युआर कोडलाई अझ सशक्त रुपमा देशव्यापी रुपमालैजाने र आगामीदिनहरुमापनि यस्तै खालको सेवाहरुल्याउँदै जाने कुरा बैंकका सुदुरपश्चम प्रदेशका प्रमुख दिपक जोशीले बताउनुभयो ।
करीव पाँच लाखभन्दा बढी ग्राहकहरुलाई ११४ शाखाहरु तथा७ एक्सटेन्सन काउन्टर मार्फत सेवाप्रदान गरिरहेको बैंकले करीव ८१ अर्व रुपैयाँ भन्दा बढी निक्षेप परिचालन गरी ७५ अर्व रुपैयाँल भन्दा बढी कर्जा लगानी गरीसकेकोे छ ।
वि.सं.२०७७ चैत ५ बिहीवार ११:२१ मा प्रकाशित