काठमाडौं । २७ वर्षपछि मेलम्चीको पानी काठमाडौंबासीको धारामा पानी आइपुगेको छ । आज काठमाडौंको महाङ्काल चौरमा रहेको ट्याङ्कीको भल्भ खोलेर पानी वितरण सुरु भएको छ ।
अहिले चावहिल, महाङ्काल क्षेत्रमा वितरण सुरु गरेको बताइएको छ । आइतवार बेलुकासम्म काठमाडौंको मीनभवन, अनामनगर र खुमलटार क्षेत्रमा पनि पानी वितरण हुँदैछ ।
पहिलो चरणमा मेलम्चीको पानी चार ठाउँमा गएपछि सुन्दरीजलबाट पानी दोस्रो चरणमा बालाजु पोखरीमा पठाउने तयारी छ । त्यसपछि महाराजगञ्ज, पानीपोखरी र बाँसबारी पोखरीमा पठाइन काठमाडौं उपत्यका खानेपानी लिमिटेड (केयूकेएल)ले जानकारी दिएको छ ।
२०५६ सालमा मेलम्ची खानेपानी विकास समितिको गठन भएको थियो । आयोजना निर्माणका लागि एसियाली विकास बैंकले सन् २००१ मा सम्झौता गरेको हो ।
वि.सं.२०७७ चैत १५ आइतवार १५:४४ मा प्रकाशित
