काठमाडौं । भोलि बुधवार (चैत १९ गते) दुई लघवित्त वित्तीय कम्पनीको लाभांश सुरक्षित गर्ने अन्तिम दिन रहेको छ । उक्त दिन सूर्योदय लघुवित्त वित्तीय संस्था र सारथी लघुवित्त वित्तीय संस्थाको लाभांश सुरक्षित गर्ने अन्तिम दिन हो ।
सूर्योदय लघुवित्तलले गत आर्थिक वर्षको मुनाफाबाट सेयरधनीलाई १५ दशमलव ३४ प्रतिशत बोनस सेयर र कर प्रयोजनका लागि शून्य दशमलव ८० प्रतिशत नगद लाभांश वितरण गर्ने प्रस्ताव गरेको छ ।
कम्पनीले सभा र लाभांश वितरण प्रयोजनको लागि चैत १९ गतेदेखि ३१ गतेसम्म बुक क्लोज गर्ने भएकाले बुधवारसम्म कायम सेयरधनीले लाभांश पाउनेछन् । सभा आउँदो चैत ३१ गते हुने भएको छ ।
यस्तै, सुर्योदय सारथी नेपाल लघुवित्तले आउँदो बैशाख ३ गते साधारण सभा गर्ने भएको छ । सभा प्रयोजन र लाभांश वितरण प्रयोजनको लागि चैत १९ गतेदेखि वैशाख ३ गतेसम्म बुक क्लोज गर्दैछ ।
कम्पनीले गत आवको ८ दशमलव १३ प्रतिशत बोनस सेयर र कर प्रयोजनका लागि शून्य दशमलव ४२ प्रतिशत नगद लाभांश वितरण गर्ने प्रस्ताव गरेको छ । बुधवारसम्म कायम सेयरधनीले कम्पनीको लाभांश पाउनेछन् ।
वि.सं.२०७७ चैत १७ मंगलवार १३:२१ मा प्रकाशित