काठमाडौं । नेपाल स्टक एक्सचेन्ज (नेप्से) ले किसान लघुवित्त वित्तीय संस्थालाई सचेत गराउँदै दोस्रो बजारको कारोबार फुकुवा गरेको छ । कम्पनीले हकप्रद जारी गर्ने भनेर दुई थरी सूचना निकालेपनि नेप्सेले स्पष्टिकरण सोधेर सेयर कारोबार रोक्का राखेको थियो ।
कम्पनीले नेप्सेलाई स्पष्टिकरण पेश गरेपछि नेप्सेले पनि सचेत गराउँदै सेयर कारोबार फुकुवा गरेको जनाएको छ । कम्पनीले चैत ८ गते निकालेको सूचनामा पुँजी कोष प्रयाप्त नभएकोले १ः१ अनुपात अर्थात शतप्रतिशत हकप्रद सेयर निष्काशन गर्ने भनेको थियो ।
त्यसको भोलिपल्ट उक्त प्रस्ताव हटाएर अर्को सूचना जारी गरेको थियो । हकप्रदको सूचना निकालेर सेयर मूल्यमा चलखेल गरेको कम्पनीको सामान्य स्पष्टिकरणमा नेप्सेले कारोबार खोलिदिएको छ ।
वि.सं.२०७७ चैत १९ बिहीवार ११:०८ मा प्रकाशित
