काठमाडौं । नागरिक लगानी कोषको १ लाख ३ हजार ७ सय कित्ता संस्थापक सेयर आवेदन दिने समय थप भएको छ ।
एक सूचना निकाल्दै कोषले प्रिमियर इन्स्योरेन्स कम्पनी (नेपाल) लिमिटेडको स्वामित्वमा रहेको उक्त सेयरमा आवेदन दिने समयावधि थप गरेको जनाएको छ ।
अब उक्त सेयर खरिद गर्न इच्छुक बीमा कम्पनी, बैंक तथा वित्तीय संस्थाहरुले चैत २६ गतेसम्म बोलपत्र पेश गर्ने सक्नेछन् ।यसअघि चैत ११ गतेदेखि लिलामीमा विक्री खुला गरेको उक्त सेयरको आवेदन दिने अन्तिम मिति चैत १९ गतेसम्म थियो ।
उक्त सेयरको न्यूनतम मूल्य १ हजार ३५० रुपैयाँ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने हुन्छ । कम्पनीको सेयर विक्री प्रबन्धकमा नेपाल इन्भेष्टमेण्ट बैंकिङ लिमिटेड रहेको छ ।
उक्त सेयर किन्नका लागि बोलकबोल गर्दा न्यूनतम १०० कित्ता वा सो भन्दा माथिको लागि १० ले भाग जाने गरी अधिकतममा सम्पूर्ण कित्तासम्म माग गर्न सकिने व्यवस्था छ ।
वि.सं.२०७७ चैत २० शुक्रवार ११:५७ मा प्रकाशित