काठमाडौं । आन्तरिक राजस्व विभागले चैत मसान्त भित्रै सबै सेवाग्रहीलाई कर तिर्न आग्रह गरेको छ ।
विभागले सूचना जारी गर्दै आर्थिक वर्ष २०७७-०७८ को आयकरको दोस्रो किस्ता बापतको कर रकम दाखिला चैत मसान्तभित्र दाखिला गर्न भनिएको छ ।
विभागका अनुसार चालु आवको आयकरको दोस्रो किस्ता वापत अनुमानित करको ७० प्रतिशत मध्ये तिर्न बाँकी कर चैत मसान्तभित्र बुझाउन सबैलाई आग्रह गरेको छ ।
विभागले यसअघि पेश गरेको अनुमानित आय विवरणमा संशोधन गर्नुपर्ने भएमा पनि चैत मसान्त भित्रै ठूला करदाता कार्यालय, मध्यमस्तरिय करदाता कार्यालय, करदाता सेवा कार्यालय र आन्तरिक राजस्व कार्यालयमा दाखिला गर्न र थप शुल्क, जरिवाना र ब्याजबाट जोगिन समेत आग्रह गरेको छ ।
वि.सं.२०७७ चैत ३० सोमवार १३:१४ मा प्रकाशित
