काठमाडौं । साताको पहिलो कारोबार दिन सेयर बजार १७.२० अंकले बढेको छ । बजार परिसुचक भने २ हजार ६९१.५५ अंकको विन्दुमा पुगेर बन्द भएको छ ।
सोमबार ७ अर्ब ६१ करोड ८ लाख २८ हजार रुपैयाँ बराबरको कारोबार भएको छ । उक्त दिन बैंकिङ समूह, डेभलपमेन्ट बैंक, निर्जीवन बीमा, माइक्रोफाइनान्स, जीवन बीमा लगायतका समूहमा हरियाली छाएको छ ।
आज बैंकिङ समूह १७.८१ अंक, डेभलपमेन्ट बैंक ३९.३६ अंक, निर्जीवन बीमा १६३.७६ अंक, माइक्रोफाइनान्स १८८.५६ र जीवन बीमा १९७.७९ अंकले वृद्धि भएको छ । आज होटेल तथा पर्यटन, जलविद्युत, फाइनान्स, लगानी समूहहरु राताम्मे बनेका छन् ।
आज विभिन्न चार बैंकको सर्वाधिक कारोबार भएको छ । आज एनआईशी एशिया बैंकको सबैभन्दा धेरै २५ करोड ७ लाख रुपैयाँ बराबरको कारोबार भएको छ ।
कारोबारकै आधारमा नबिल बैंक दोस्रो स्थानमा छ । आज बैंकको २४ करोड ५३ लाख रुपैयाँभन्दा बढीको कारोबार भएको छ । तेस्रो स्थानमा रहेको निफ्राको २२ करोड ११ लाख र नेपाल बैंकको २१ करोड ४६ लाख रुपैयाँ बराबरको सेयर कारोबार भएको छ ।
वि.सं.२०७७ चैत ३० सोमवार १५:०९ मा प्रकाशित
