काठमाडौं । साताको अन्तिम कारोबार दिन आधा दर्जन कम्पनीका लगानीकर्ता कमाएका छन् । आज विभिन्न ६ कम्पनीको सेयर मूल्यमा उछाल आएको छ ।
बिहीवार विशाल बजार कम्पनी र सिन्धु विकास बैंकको सेयर मूल्य १० प्रतिशतले वृद्धि भएको छ । उक्त दिन विशाल बजारको प्रतिकित्ता २८८ रुपैयाँले बढेर ३ हजार १६८ पुगेको छ । सिन्धु विकास बैंकको २६ रुपैयाँले वृद्धि भई प्रतिकित्ता २८६ पुगेको छ ।
यस्तै आज महिला लघुवित्त, ग्रीन डेभलपमेन्ट बैंक, ज्योति लाइफ इन्स्योरेन्स कम्पनी र एनसीसी बैंकका लगानीकर्ताले कमाएका हुन् । आज यी चार वटै कम्पनीको कारोबार सर्किमट लेभलमै भएको छ ।
बिहीवार सप्तकोशी डेभलपमेन्ट बैंक, आइएमई जनरल इन्स्योरेन्स, एनआरएन इन्फ्रास्ट्रक्चर एण्ड डेभलपमेन्ट र महालक्ष्मी विकास बैंक लगायतका लगानीकर्ताले कमाएका छन् ।
त्यसैगरि, आज हिमालय उर्जा विकास कम्पनी, पञ्चकन्या माई हाइड्रोपावर, मञ्जुश्री फाइनान्स, हिमाल दोलखा हाइड्रोपावर, चन्द्रागिरी हिल्स् लगायतका कम्पनीका लगानीकर्ता गुमाएका छन् ।
वि.सं.२०७८ वैशाख ९ बिहीवार १५:१२ मा प्रकाशित
