काठमाडौं । जिल्ला प्रशान कार्यालय काठमाडौंले निषेधाज्ञाको समयमा विवाह तथा व्रतबन्ध आयोजना लागि १५ जनासम्म सहभागी हुन पाउने जानकारी दिएको छ ।
क सूचना प्रकाशित गर्दै प्रशासनले विवाह तथा व्रतबन्ध प्रयोजनका लागि १५ जनासम्म सहभागि (दुलाहा दुलहीसहितका) हरुले ब्यानर सहित २ वटा सम्म सावरी साधन प्रयोग गरी जिल्ला भित्र वा अन्तर जिल्लामा आवतजावत गर्नुपर्दा अनुमति पास आवश्यक नपर्ने भएको छ । तर उक्त कार्यका लागि पार्टी प्यालेस प्रयोग गर्नुपर्ने भएमा प्रशासनबाट जारी अनुमति पास लिनुपर्ने सूचनामा उल्लेख छ ।
यस्तै, विवाह/व्रतबन्धमा सहभागि भई अन्यत्र जिल्लाबाट फर्कनुपर्ने भएमा चालकसहित बढीमा सातजनासम्मका लागि स्थानीय तहको सिफारिससहित जिल्ला प्रशासन कार्यालयमा अनुमति पासका लागि निवेदन पेश गर्नुपर्ने सूचनामा उल्लेख छ ।
हेर्नुहोस् विज्ञप्ति :
वि.सं.२०७८ वैशाख १४ मंगलवार १८:५० मा प्रकाशित