काठमाडौं । नेपाल इन्फ्रास्ट्रक्चर बैंकले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । बैंकले सार्वजनिक गरेको विवरण अुनसार चाुल आवको तेस्रो त्रैमाससम्म ५८ करोड ९२ लाख ८९ हजार रुपैयाँ खुद नाफा गरेको छ ।
गत वर्षको तुलनामा बैंकको नाफा १.२४ प्रतिशतले मात्र बढेको हो । गत वर्षको सोही अवधिसम्म बैंकले ५८ करोड २० लाख ७० हजार रुपैयाँ नाफा गरेको थियो ।
बैंकको वितरणयोग्य नाफा भने ४६ करोड ३२ लाख ५६ हजार रुपैयाँ रहेको छ । तेस्रो त्रैमाससम्म कम्पनीको अन्य विभिन्न कोष सहित जगेडा कोषमा २ अर्ब १५ करोड ३६ लाख ३७ हजार रुपैयाँ रहेको छ ।
बैंकले ३० करोड ९४ लाख ६५ हजार निक्षेप संकलन गरेको गरि २ अर्ब १९ करोड ५६ लाख ३८ हजार कर्जा प्रवाह गरेको छ । बैंकको प्रतिसेयर आम्दानी ५ रुपैयाँ ०.२ पैसा र प्रतिसेयर नेटवर्थ ११० रुपैयाँ ७७ पैसा रहेको छ ।
वि.सं.२०७८ वैशाख १६ बिहीवार १०:५५ मा प्रकाशित