काठमाडौं । आज सीईडीबी हाइड्रोपावर डेभलपमेन्टको आईपीओमा आवेदन दिने अन्तिम दिन रहेको छ ।
कम्पनीले गत शुक्रबारदेखि २५ लाख १८ हजार २३० कित्ता सेयर निष्काशन गरेको थियो ।
उक्त आईपीओमा सोमबारसम्म १५ लाख ३६४ जनाले आवेदन दिएका छन् । २ अर्ब ३० करोड ७३ लाख २३ हजार ६ सय रुपैयाँ बराबरको २ करोड ३० लाख ७३ हजार २३६ कित्ता आवेदन परेको बिक्री प्रबन्धक सनराइज क्यापिटले जानकारी दिएको छ ।
कुल आईपीओमा ५० हजार ३६५ कित्ता कर्मचारी र १ लाख २५ हजार ९११ कित्ता सामुहिक लगानी कोषको लागि छुट्याएको छ । त्योअनुसार २३ लाख ४१ हजार ९५४ कित्ता शेयरमा सर्वसाधारणले आवेदन दिन सक्नेछन ।
सर्वसाधारणले न्यूनतम १० कित्ताका लागि आवेदन दिन सक्नेछन् भने अधिकतम २५ लाख १८ हजार २३० कित्ता शेयर खरीदका लागि आवेदन दिनुपर्नेछ । कम्पनीले निष्कासन गर्ने आइपीओलाई केयररेटिङ नेपालले केयर एनपी डबल वि आइएस रेटिङ प्रदान गरेको छ ।
वि.सं.२०७८ वैशाख २१ मंगलवार ०७:३८ मा प्रकाशित