काठमाडौं । प्रधानमन्त्री केपी शर्मा ओलीले आवश्यकताका आधारमा, कार्यान्वयनका आधारमा परिवर्तनको आवश्यकताको आधारमा संविधान संशोधन गर्न सकिने र गर्नु पर्ने बताउनु भएको छ ।
उहाँले यसको लागि सबैसँग छलफल गर्न तयार रहेको र त्यसको लागि मस्यौदा तयार पार्न कार्यदल बनाउन सकिने बताउनुभयो । उहाँले आवश्यकताको आधारमा संविधान संशोधन गर्न सकिने समेत बताउनु भयो । प्रतिनिधि सभाको बैठकलाई सम्बोधन गर्र्दै ओलीले सरकारको पक्षमा सबैलाई सहयोग गर्न आग्रह गर्नु भएको छ ।
सरकारको पक्षमा सहयोग गर्न आग्रह गर्नु भएको हो । उहाँले कोरोना पराजित गर्न समेत सबैलाई आग्रह गर्नु भएको छ । कोरोनाको महामारीको समयमा देश, जनताले देख्ने गरी लाग्नु पर्ने समयमा त्यसरी लाग्न नसकेको बताउनु भयो । यति बेला जे कुरामा केन्द्रित हुनुपर्ने हो त्यो हुन सकेन । सरकार कोरोना रोक्न, अर्थतन्त्रमा असर न्यून पार्न लाग्यो, विकास निर्माणमा लाग्यो यो बेला सरकारलाई असहयोग भयो ।
भ्याक्सिनको अभाव छ । यो पाउन मारामार हुँदा भारत पछि नेपाल नै हो यसको सुरु गर्ने । अहिले ८६ ठाँउमा पिसीआर चेक भइरहेको जानकारी गराउनु भयाे । पहिलो चरणको कोरोना न्यून भएपनि दोस्रो चरणको कोरोनालाई परास्त गर्न खोजेको समरण गराउनु भयो । अक्सिजन उत्पादन गर्ने, भ्याक्सीन मगाउने, सिलिन्डर मगाउने काम सरकारले गरिरहेको छ । यो महामारीको बेला कसैले भ्रष्टाचार गर्छ भनेर कारबाही हुन्छ । कोरोनाको महामारीको समयमा सदनको मलाई विश्वास छ भन्ने ठानेको समेत स्मरण गराउनुभयो ।
यो सरकार कुनै हिसाबले विश्वास गर्न नपर्ने सरकार भएको भन्दै उहाँले राष्ट्रियता, राष्ट्रिय हितको, सम्बद्र्धनको पक्षमा, भौगोलिक अखण्डताको पक्षमा, राष्ट्रिय हितलाई सर्वोपरी राखेर काम गर्न सरकारले कुनै कसर बाँकी नराखेको जानकारी गराउनु भयो ।
सरकारले गरेको काम आफै बोल्ने र बोलिरहेको भन्दै उहाँले यस्तो सरकारलाई विश्साव गर्न नपर्ने कुनै कारण नभएको बताउनु भयो ।
अरुले समस्या मात्रै देखाएको र यो सरकारले समास्या समाधानको बाटोमा हिडेको समेत जानकारी गराउनु भयो । उहाँले सबैलाई सत्यलाई स्वीकार्ने हो भने यो सरकारलाई सहयोग गर्न आग्रह गर्नु भएको छ ।
वि.सं.२०७८ वैशाख २७ सोमवार १३:५९ मा प्रकाशित