काठमाडौं । एनएलजी इन्स्योरेन्स कम्पनीले चालु आर्थिक वर्षको तेस्रो त्रैमासमा २१ करोड २८ लाख ३ हजार रुपैयाँ नाफा कमाएको छ । बुधवार कम्पनीले सार्वजनिक गरेको त्रैमासिक वित्तीय अवस्थाले यस्तो देखाएको हो ।
कम्पनीको नाफा गत वर्षको सोही अवधिको तुलनामा ३५.२२ प्रतिशतले वृद्धि भएको हो । गत वर्षको तेस्रो त्रैमासमा कम्पनीले १५ करोड ७३ लाख ७४ हजार रुपैयाँ नाफा कमाएको थियो ।
यस्तै, चालु आवको तेस्रो त्रैमासमा कम्पनीको कुल बीमाशुल्क आर्जन रकम १ अर्ब ६९ करोड १५ लाख २२ हजार रुपैयाँ रहेको छ । गत वर्षको तुलनामा बीमाशुल्क आर्जन २८.८० प्रतिशतले बढी हो । गत वर्षको सोही अवधिमा कम्पनीले १ अर्ब ३१ करोड ३१ लाख ९७ हजार रुपैयाँ बीमाशुल्क आर्जन गरेको थियो ।
यस्तै, कम्पनीको जारी बीमालेखको संख्या १ लाख ६८ हजार २२८ र नवीकरण गरिएको बीमालेखको संख्या ३३ हजार ८२० रहेको छ । चालु आवको तेस्रो त्रैमासम्ममा कम्पनीले १ अर्ब ७ करोड ७६ लाख ४३ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम भने ९८ करोड ९० लाख ५० हजार रुपैयाँ रहेको छ ।
कम्पनीको चुक्तापूँजी १ अर्ब ९ करोड ६३ लाख ७६ हजार रुपैयाँ पुगेको छ । जगेडा तथा कोषमा ४२ करोड २८ लाख ५७ हजार रुपैयाँ रहेको छ । बीमा कोषमा १ अर्ब २७ लााख १२ हजार रुपैयाँ र महा विपत्ती जगेडामा ४ करोड १२ लाख ८ हजार रुपैयाँ रहेको छ ।
कम्पनीको प्रतिसेयर आम्दानी २५ रुपैयाँ ८८ पैसा, प्रतिसेयर नेटवर्थ २३३ रुपैयाँ ७८ पैसा रहेको छ ।
वि.सं.२०७८ वैशाख २९ बुधवार १२:४१ मा प्रकाशित
