काठमाडौं । एनएमबि बैंकले प्रतिइकाई १ हजार रुपैयाँका दरले २० लाख कित्ता ऋणपत्र निष्काशन गरेको छ ।
२० लाखमा १२ लाख कित्ता बैंकले विभिन्न संघ संस्थालाई बिक्री गर्ने र ८ लाख कित्तामा सर्वसाधारणले आवेदन दिन पाउनेछन् । बैंकले १० वर्षको लागि निष्काशन गरेको ऋणपत्रको ब्याजदर ८.५० प्रतिशत रहेको छ ।
ऋणपत्रमा जेठ ५ गतेसम्म आवेदन दिन पाइनेछ । त्यस अवधिमा माग अनुसार आवेदन नपरेको खण्डमा १६ गतेसम्म आवेदन दिन सकिने छ ।
आवेदन न्यूनतम २५ देखि अधिकतम ८ लाख कित्तासम्म आवेदन दिन सकिने छ । यसको बिक्री प्रबन्धकमा सिद्धार्थ क्यापिटल रहेको छ । ऋणपत्रमा सी–आस्वा सदस्य बैंक तथा वित्तीय संस्था तथा मेरो सेयरबाट आवेदन दिन सकिने छ ।
वि.सं.२०७८ जेठ २ आइतवार ०८:४४ मा प्रकाशित
