काठमाडौं । साधारण सेयर निष्काशन गर्नको लागि दुई वटा कम्पनीले धितोपत्र बोर्डमा आवेदन दिएका छन् । आवेदन दिनेमा एक लघुवित्त वित्तीय संस्था र एक जलविद्युत कम्पनी रहेका छन् ।
मानुषी लघुवित्त वित्तीय संस्था र दोर्दी खोला जलविद्युत कम्पनीले आपीओ निष्काशनका लागि बोर्डमा आवेदन दिएका हुन् । आवेदन दिएको मानुषी लघुवित्त प्रति कित्ता एक सय रुपैयाँको दरले ३ करोड ९३ लाख ७५ हजार रुपैयाँको ३ लाख ९३ हजार ७५० कित्ता आइपीओ लागेको छ । यसको बिक्री प्रबन्धकमा नेपाल एसबीआई मर्चेन्ट बैंकिङ रहेको छ ।
यस्तै दोर्दी खोलाले प्रति कित्ता एक सय रुपैयाँका दरले २९ करोड ५१ लाख ९२ हजार ९०० रुपैयाँको २९ लाख ५१ हजार ९२९ कित्ता आइपीओ निष्काशनको लागि बोर्डमा आवेदन दिएको छ । यसको बिक्री प्रबन्धकमा सिद्धार्थ क्यापिटल रहेको छ । बोर्डले अनुमति दिएपछि दुवै कम्पनीले आपीओ निष्काशन गर्नेछन् ।
वि.सं.२०७८ जेठ २ आइतवार १२:०८ मा प्रकाशित