काठमाडौं । नेपाल पछिल्लो २४ घण्टामा थप ८ हजार १७३ जनामा कोरोना संक्रमण पुष्टि भएको छ । थप ७ हजार ९८९ जना कोरोना संक्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार थप २४६ जनाको मृत्यु भएको छ । कोरोना संक्रमणबाट मृत्यु हुनेको संख्या हालसम्मकै उच्च भएको स्वास्थ्य मन्त्रालयले जनाएको छ । योसंगै नेपाल कोरोना संक्रमणबाट मृत्यु हुनेको संख्या ५ हजार ६५७ पुगेको छ ।
काठमाडौं उपत्यकामा मात्रै थप २ हजार ४८६ जनामा संक्रमण देखिएको छ । जसमध्ये काठमाडौं जिल्लामा १ हजार ९८८, ललितपुरमा २७० र भक्तपुरमा २२८ जनालाई संक्रमण देखिएको स्वास्थ्य मन्त्रालयले जनाएको छ ।
वि.सं.२०७८ जेठ ५ बुधवार १७:३४ मा प्रकाशित