कठमाडौं । स्वास्थ्य तथा जनसंख्या मन्त्री हृदयेश त्रिपाठीले विज्ञहरुले स्वास्थ्य संकटकाल लाउन दिएको सझुावलाई सकारात्मक रुपमा लिएको बताउनु भएको छ । सोमबार पत्रकार सम्मेलनमा उहाँले यस्तो बताउनु भएको हो ।
कार्यक्रममा मन्त्री त्रिपाठीले कोरोनाको नयाँ भेरियन्ट अहिलेको संक्रमण निकै खतरनाक रहेको बताउनुभयो । उहाँका अनुसार अहिले दैनिक ८ हजार ३ सय नयाँ संक्रमित रहेका छन् । कारोना संक्रमतिएक जिल्लाबाट अर्को जिल्लामा आवत–जावत गर्ने क्रम नरोकिएको कारण संक्रमण बढेको उहाँको तर्क छ । मन्त्री त्रिपाठीले आगामी ४ हप्तापछि कोरोना घट्दै जाने उहाँको दाबी छ ।
पत्रकार सम्मेलनमा मन्त्री त्रिपाठीले अहिले १५७ अस्पतालबाट कोरोना संक्रमितको उपचार भइरहेको र त्यसमा नीजि क्षेत्रका ४५ वटा अस्पतालले निशुल्क उपचार गरिरहेका छन् ।
उहाँका अनुसार कोरोना उपचारको नाममा ४५ करोड उपचारको लागि शोधभर्ना भएको छ । त्रिपाठीका अनसार बेलायत, रुस अमेरिका, भारत र चीनसँग खोप ल्याउने कुरा भइरहेको र नर्वे सरकारसँग आजै मात्रै कुरा भएको र नर्वे सरकार नकारात्मक रहेको उहाँको दाबी छ ।
वि.सं.२०७८ जेठ १० सोमवार १५:२४ मा प्रकाशित
