काठमाडौं । साताको पहिलो कारोबार दिन विभिन्न ४ कम्पनीको सेयर मूल्य उच्च दरमा वृद्धि भएको छ । आइतबार महिला लघुवित्त वित्तीय संस्थासहित चार कम्पनीको सेयर मूल्यमा उछाल आएको हो ।
आज महिला लघुवित्तको सेयर मूल्य १० प्रतिशत, गुडवील फाइनान्स ९.८९ प्रतिशत, लुम्बिनी विकास बैंकको ९.८८ र रिदी हाइड्रोपावर डेभलपमेन्ट कम्पनीको ९.८७ प्रतिशतले बढेको छ ।
यी चार कम्पनीसहित आज मितेरी डेभलपमेन्ट बैंक, नेपाल बंगलादेश बैंक, मेगा बैंक, निफ्रा, लक्ष्मी बैंक, पोखरा फाइनान्स, बैंक अफ काठमाण्डू लगायतका विभिन्न कम्पनीका लगानीकर्ता कमाएका छन् ।
यस्तै, आइतबार राधी विद्युत कम्पनीको सेयर मूल्य उच्च अंकको घटेको छ । आज कम्पनीको सेयर ८.५६ प्रतिशतले घटेको छ । आज गुमाउने प्रमुख कम्पनीहरुमा अधिकांश जलविद्युत रहेका छन् ।
आइतबार दिव्याश्वेरी हाइड्रोपावर, नारायणी डेभलपमेन्ट बैंक, आखुँ खोला जलविद्युत कम्पनी, युनियन हाइड्रोपावर, घलेम्दी हाइड्रो, मल्टीप्रपोज फाइनान्स, वेष्ट फाइनान्स, जोशी हाइड्रोपावर, पञ्चकन्य माई हाइड्रोपावर लगायतका लगानीकर्ताहरुले गुमाएका छन् ।
वि.सं.२०७८ जेठ २३ आइतवार १५:०७ मा प्रकाशित
