काठमाडौं । राष्ट्रिय वाणिज्य बैंकले आज (जेठ २५ गते) देखि २ अर्ब ५० करोड रुपैयाँको २५ लाख इकाई ऋणपत्र निष्काशन गरेको छ ।
प्रतिइकाई १ हजार रुपैयाँ दरले निष्काशन गरेका ऋणपत्रमा १० लाख इकाई सर्वसाधारणका लागि छुट्याईएको छ । बाँकी १५ लाख इकाई बैंकले आफ्नै पहलमा संघ विभिन्न संस्थालाई बिक्री गर्नेछ ।
६ वर्ष अवधि रहेको ऋणपत्रमा वार्षिक ८.५ % ब्याज पाइने छ । न्यूनतम २५ कित्तादेखि अधिकतम सबै कित्तासम्म आवेदन दिन सकिने छ । ऋणपत्रमा सी–आस्वा सदस्य रहेका बेंक तथा वित्तीय संस्था, मेरो सेयरबाट पनि आवेदन दिन सकिने छ ।
ऋणपत्रमा जेठ २८ गतेसम्म आवेदन दिन सकिनेछ । त्यस अवधिमा माग अनुसार आवेदन नपरेको खण्डाम असार ८ गतेसम्म आवेदन दिन सकिने छ । यसको बिक्री प्रवन्धक एनआइबीएल एस क्यापिटल रहेको छ ।
वि.सं.२०७८ जेठ २५ मंगलवार ०७:३२ मा प्रकाशित
