काठमाडौं । साताको अन्तिम कारोबार दिन सुनचाँदीको मूल्य बढेको छ । नेपाली बजारमा आज सुनको मूल्य तोलामा ६ सय रुपैयाँ बढेको हो ।
अघिल्लो दिन प्रतितोला ९३ हजार ९ सय रुपैयाँमा कारोबार भएको छापावाला सुन आज बढेर ९४ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको भाउ तोलाको ९४ हजार रुपैयाँ निर्धारण भएको छ । अघिल्लो दिन ९३ हजार ४ सय रुपैयाँमा खरिदबिक्री भएको थियो ।
यस्तै, शुक्रबार चाँदीको मूल्य पनि उकालो लागेको छ । आज चाँदीको भाउ प्रतितोला १५ रुपैयाँले वृद्धि भएको हो ।
मूल्य वृद्धिसंगै आजका लागि तोलाको १३ सय ७० रुपैयाँ कायम भएको महासंघले जनाएको छ । अघिल्लो कारोबार दिन १३ सय ५५ रुपैयाँमा खरिदबिक्री भएको थियो ।
वि.सं.२०७८ जेठ २८ शुक्रवार ११:०१ मा प्रकाशित
