काठमाडौं । स्वास्थ्य तथा जनसंख्या मन्त्री शेरबहादुर तामाङले सम्पति विवरण सार्वजनिक गर्नु भएको छ ।
अन्य मन्त्रीहरुले सम्पती विवरण सार्वजनिक नगर्ने, गरेपनि प्रधानमन्त्री तथा मन्त्रिपरिषदको कार्यालयले वेवसाइटमा राख्न अटेरि गरिरहेको समयमा मन्त्रा तामाङले आफ्नै वेवसाइटमा राख्नु भएको छ ।
सार्वजनिक गरेको सम्पति विवरण अनुसार सिन्धुपाल्चोकमा उहाँको नाममा ३ ठाँउमा जग्गा रहेको छ भने उहाँको श्रीमती उषाकला राईको नाममा ९ ठाँउमा, खोटाङमा १ ठाँउ र काठमाडौंमा ६ आना २ पैसा १ दाम जम्मा मन्त्री तामाङको नाममा रहेको छ । उहाँको २२ तोला सुन रहेको छ भने मन्त्री तामाङको नाममा एभरेष्ट बैंकमा २ लाख १६ हजार १५२ रुपैयाँ रहेको छ । उषाकला राईको नाममा राष्ट्रिय वाणिज्य र कृषि विकास बैंकमा खाता रहेको छ ।
मन्त्री तामाङको सूचिकृत कम्पनीको सेयरमा लगानी नरहेको देखाइएको छ । तर सार्वजनिक सम्पती विवरणमा विभिन्न कम्पनीमा ५ लाखको सेयर रहेको उल्लेख छ । तर कम्पनीको नाम र संख्या उल्लेख छैन । यस्तै उषा कला राईको नाममा ओम श्रीजल प्रा.लि मा १५ लाख रुपैयाँको १५ हजार सेयर रहेको उल्लेख गर्नुभएको छ । मन्त्री तामाङको नाममा एउटा मोटरसाइकल र उषा कला राईको नाममा एउटा कार रहेको छ ।
वि.सं.२०७८ जेठ २८ शुक्रवार १२:०१ मा प्रकाशित
