काठमाडौं । नेपाल स्टक एक्सचेञ्ज (नेप्से)ले लगानीकर्तालाई सेयर खरिदबिक्री गर्दा कम्पनीको प्राविधिक विश्लेषण गर्न सुझाव दिएको छ ।
नेप्सेले दोस्रो बजारमा कारोबारमा सहभागि हुँदा लगानीकर्ताले आफूले कारोबार गर्न खोजेको कम्पनीको व्यवसाय, संचालन तथा व्यवस्थापकीय पक्ष, व्यवसायको आकार तथा वृद्धिको सम्भावना, नाफा नोक्सानको स्थिति लगायतका आधारभुत पक्षको विश्लेषण गर्नका लागि सझाव दिएको हो ।
एक सूचना निकाल्दे नेप्सेले लगानीकर्ताहरुलाई आफूले खरिद बिक्री गर्न चाहेको कम्पनीको सेयर विगतमा कारोबार हुँदा कायम भएको मूल्य लगायत प्राविधिक विश्लेषण गर्नुपर्ने जनाएको छ ।
कम्पनीको आधारभुत तथा प्राविधिक विश्लेषण्ले लगानीकर्ताको लाभ बढाउन र नोक्सानी कम गर्न मद्दत पुग्ने नेप्सेले जनाएको छ । अनलाइनमार्फत सेयर कारोबार गर्नका लागि अहिलेसम्म सात लाखभन्दा धेरैले युजरनेम र पासवर्ड लिएका छन् ।
विस्तृतका लागि हेर्नुहोस् सूचना :
वि.सं.२०७८ जेठ ३१ सोमवार १२:५७ मा प्रकाशित
