काठमाडौं । राष्ट्रिय वाणिज्य बैंकले नयाँ ब्याजदर सार्वजनिक गरेको छ । सरकारी स्वामित्वमा रहेको बैंकले आजैदेखि लागू हुनेगरि नयाँ ब्याजदर सार्वजनिक गरेको छ ।
जसअनुसार मुद्दती निक्षेपमा व्यक्तिगततर्फ ५.५० प्रतिशतदेखि ७.२५ प्रतिशतसम्म ब्याजदर कायम गरेको छ ।
यस्तै, संस्थागत मुद्दती निक्षेपमा ५ प्रतिशतदेखि ६.५० प्रतिशतसम्म र बचत खातातर्फ न्यूनतम ३ प्रतिशतदेखि ५ प्रतिशतसम्म ब्याजदर तोकेको छ ।
बैंकले चैत महिनाको आधार दर ५.५० प्रतिशत अनुसार कर्जाको ब्याजदर निर्धारण गरेको छ । बैंकले यसमा १ देखि ३ प्रतिशतसम्म प्रिमियम थप गरेर कर्जा प्रवाह हुने जनाएको छ । स्थिर कर्जाको लागि ९ देखि ११ प्रतिशतसम्म ब्याजदर निर्धारण गरेको छ ।
वि.सं.२०७८ असार १ मंगलवार १३:३२ मा प्रकाशित