काठमाडौं । बिहीवार सुनको मूल्य एकैदिन तोलामा १ हजार १ सय रुपैयाँले घटेको छ । नेपाली बजारमा छापावाला सुनको मूल्य घटेर ९२ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार अघिल्लो दिन ९३ हजार १ सय रुपैयाँमा खरिदबिक्री भएको सुनको आज घटेको हो । महासंघले आजका लागि तेजावी सुनको मूल्य ९१ हजार ५ सय रुपैयाँ निर्धारण गरेको छ ।
यस्तै, उक्त दिन चाँदीको मूल्यमा पनि गिरावट आएको छ । चाँदी आज तोलामा २० रुपैयाँले घटेको हो ।
बिहीबारका लागि चाँदी भाउ १३ सय ४० रुपैयाँ कायम भएको महासंघले जनाएको छ । अघिल्लो दिन तोलामा १३ सय ६० रुपैयाँमा कारोबार भएको थियो ।
वि.सं.२०७८ असार ३ बिहीवार ११:२१ मा प्रकाशित
