काठमाडौं । विश्वविख्यात अटोमोबाइल ब्राण्ड गे्रट वाल मोटर्स आधिकारिक रुपमा नेपाली बजारमा प्रवेश गरेको छ ।बहुप्रतिक्षित ब्रान्डले आफ्नो प्रिमियम उत्पादनहरुका साथ अन्ततः नेपालको अटोमोबाइल क्षेत्र प्रवेश गर्ने बाटो खोलेको हो ।
नेपालमा आफ्नो उपस्थिति ग्रेट वाल मोटर्सले तीन गाडीहरुबाट सुरु गरिरहेको छ । नेपालको लागि ग्रेट वाल मोटर्सको आधिकारिक आयातकर्ता र बिक्रेता रहेको भिजी इम्पेक्स प्रालिसँग कार ब्रान्ड सम्बन्धि बिषेश अनुभव रहेको छ ।
दुई पक्षबिचको सहयोगले सजिलै स्थानीय बजारमा प्रभाव छाड्ने र नेपाली अटोमोबाइल क्षेत्रको विकासमा सहयोग पु¥याउने कुरामा यस कम्पनी विश्वस्त छ । ग्रेट वालले नेपालमा दीर्घकालीन व्यापार रणनीति अनुसरण गर्दै नवीन उत्पादनहरु मार्फत प्रतिस्पर्धात्मक वातावरण बनाउन सघाउ पु¥याउनेछ र बजारको मागलाई गाइड गर्नेछ ।
ग्रेट वाल मोटर्सको सोरुम थापाथली, काठमाडौंमा अवस्थित छ र ग्राहकहरुलाई देशभर एक प्रीमियम अनुभव प्रदान गर्नका लागि यसको नेटवर्क नेपालभरिका प्रमुख शहरहरुमा विस्तार गर्ने योजना रहेको छ ।
अहिलेको परिस्थिति सहज भएपछि ग्रेट वाल मोटसले आफ्नो ब्रान्ड र उत्पादनलाई नयाँ ढंगले बजार बिस्तार गर्नेछ र चाँडै नै अत्याधुनिक सेवा केन्द्र सुचारु पनि रहेको छ ।
निकट भविष्यमा ग्रेट वाल मोटसले नयाँ जेनेरेसनको इलेक्ट्रिक कार, ओआरए आरवान नेपालीबजारमा ल्याउने योजना बनाएको छ । जुन आकर्षक बनावटका साथै सुरक्षित र विशेष सुविधाहरु सहित आउने छ । साथै कम्पनिले जीडब्ल्यूएमको लोकप्रिय गाडी वीनजल पिकअप पनि छिट्टैै नै बजारमा ल्याउने तयारीमा रहेको छ।
वि.सं.२०७८ असार १६ बुधवार १८:१२ मा प्रकाशित