काठमाडौं । उपप्रधानमन्त्री तथा गृहमन्त्री विष्णु प्रसाद पौडेलले विपद्का कारण घरवास गुमाएकाहरुलाई घर पुननिर्माण गर्नका लागि सरकारले अनुदान उपलब्ध गराउने व्यवस्था गरेको बताउनुभएको छ ।
सरकारले गत वर्षको मनसुनबाट क्षति भएका विभिन्न जिल्लाका ३ हजार ९४९ लाभग्राही परिवारहरलाई पहिलो किस्ता वापत प्रति परिवार ५० हजार रुपैयाँका दरले कुल १९ करोड ९७ लाख रुपैयाँ अनुदान दिने भएको उपप्रधानमन्त्री पौडेलले बताउनुभयो ।
उहाँका अनुसार यस वर्षको विपद्बाट असार १६ गतेसम्म विभिन्न जिल्लामा आंशिक तथा पूर्ण क्षति भएका परिवारलाई पनि तत्काल अस्थायी बसोबासका लागि सरकारले प्रति परिवार ५० हजार रुपैयाँका दरले रकम उपलब्ध गराउने भएको छ ।
असार १६ गतेसम्म ५७२ घरपरिवारलाई अस्थायी बसोबास व्यवस्थाका लागि २ करोड ८६ लाख रुपैयाँ जिल्ला प्रशासन कार्यालयहरुबा उपलब्ध गराउने भएको हो ।
घरबास गुमाएका प्रभावित परिवारहरुलाई उपलब्ध गराइने उक्त सहयोगलाई निरन्तरता दिइने उपप्रधानमन्त्री पौडेलले जानकारी दिनुभयो ।
यस वर्षको मनसुनजन्य विपद्का कारण क्षति भएका सम्पूर्ण निजी आवासहरुको समेत विपद् प्रभावित निजी आवास पुनर्निर्माण तथा पुनर्स्थापना अनुदान कार्यविधि,२०७७ बमोजिम पुनर्निर्माण गर्ने व्यवस्था मिलाइएको छ ।
वि.सं.२०७८ असार २० आइतवार १४:०८ मा प्रकाशित