काठमाडौं । भोलि बुधवार अर्थात असार २३ गते जीवन विकास लघुवित्त वित्तीय संस्थाको आईपीओ बाँडफाँड हुने भएको छ ।
संस्थाले असार ११ गतेदेखि निष्काशन तथा बिक्री खुल्ला गरेको प्रतिकित्ता १०० रुपैयाँ अंकित दरको १९ लाख ७७ हजार ३ सय कित्ता आईपीओ भोलि बाँडफाँड हुने भएको हो ।
बिक्री प्रबन्धक एनएमबि क्यापिटलका बुधवार भोलि विहान ९ बजे बाँडफाड हुने जनाएको छ । जीवन विकास लघुवित्त कम्पनीको आइपीओमा २० लाख ५९ हजार ३५८ जनाले आवेदन दिएका छन् ।
उक्त आईपीओमा ३ अर्ब ९ करोड १० लाख ५३ हजार रुपैयाँको ३ करोड ९ लाख १० हजार ५३० कित्ताको लागि आवेदन परेको थियो । आइपीओमा यो नै अहिलेसम्मकै सबैभन्दा बढी आवेदन हो । कम्पनीको आइपीओले नयाँ रेकर्ड कायम गरेको छ ।
उक्त आईपीओ रिट पूर्वक परेको कुल आवेदन मध्ये १ लाख ९७ हजार ७३० जनाले १० कित्ता सेयर पाउने छन् । भने बाँकी सबैको हात खाली हुने भएको छ ।
कम्पनीले प्रतिकित्ता १०० रुपैयाँका दरले १९ करोड ७७ लाख ३० हजार रुपैयाँको १९ लाख ७७ हजार ३०० कित्ता आईपीओ निष्काशन गरेको थियो । जसमा ३० हजार ४२० कित्ता संस्थाका कर्मचारी र ९८ हजार ८६५ कित्ता सेयर सामुहिक लगानी कोषका लागि छ्ट्याइएको थियो ।
१८ लाख ४८ हजार १५ कित्तामा सर्वसाधारणले आवेदन दिन पाउने व्यवस्था गरेको थियो । लगानीकर्ताले न्यूनतम १० देखि अधिकतम १ हजार कित्तासम्म आवेदन दिन सक्ने व्यवस्था गरेको थियो ।
वि.सं.२०७८ असार २२ मंगलवार १८:३० मा प्रकाशित
