काठमाडौं । साताको पहिलो कारोबार दिन सुनको मूल्य स्थिर रहेको छ । शुक्रवार तोलाको ९२ हजार ४ सय रुपैयाँमा कारोबार भएको छापावाला सुन आज पनि सोही मूल्य कायम भएको हो ।
नेपाल सुनचाँदी व्यवसायी महासंघले आजका लागि तेजावी सुनको मूल्य ९१ हजार ९ सय रुपैयाँ निर्धारण गरेको छ । अघिल्लो कारोबार दिन पनि सोही मूल्यमा खरिदबिक्री भएको महासंघले जनाएको छ ।
यस्तै, आइतबार चाँदीको मूल्य भने वृद्धि भएको छ । चाँदी आज तोलामा १० रुपैयाँले बढेर १३ सय १५ कायम भएको महासंघले जनाएको छ । शुक्रवार तोलाको १३ सय ५ रुपैयाँमा खरिदिबिक्री भएको थियो ।
वि.सं.२०७८ असार २७ आइतवार १०:५६ मा प्रकाशित