काठमाडौं । बीमा समितिले नयाँ सर्भर र नयाँ सफ्टवेयर सञ्चालमा ल्याएसँगै अझ बढी चुस्त दुरुस्त एंव पारदर्शी हुने भएको छ । नयाँ सर्भर सञ्चालन गरेसँगै समितिले सरोकारवालालाई छिटो छरितो रुपमा सेवा उपलब्ध गराउने भएको छ ।
समितिले नयाँ सर्भर र सफ्टवेयर इन्स्योरेन्स रेगुलेटरी म्यानेजमेन्ट इन्फरमेसन सिन्टम (आईआरएमआईएस) सञ्चालनमा ल्याएको छ ।
समितिका अध्यक्ष सूर्य प्रसाद सिलवालले नयाँ सर्भर र सफ्टवेयर आईआरएमआईएसमार्फत् बीमा व्यवसायलाई प्रविधिमैत्री बनाएर अघि बढाउन सकिने बताउनुभयो ।
यो सँगै बीमा कम्पनीहरुले कानून बमोजिम समितिलाई उपलब्ध गराउनु पर्ने विवरण अनलाइनबाटै पठाउन सक्नेछन । यसले समितिले नीति बनाउन, रणनीति परिमार्जन गर्न तथा विश्लेषणका साथै नियमन र सुपरिवेक्षण गर्न समेत समितिलाई सहयोग पुग्ने बताइएको छ ।
यो सँगै बीमा कम्पनीबाट कानूनी, उजूरी, नियमन, नीति विश्लेषण र परिपालन सम्बन्धी विषयका साथै दाबी तथा सम्पति सुद्धीकरण सम्बन्धी विवरणहरु र बीमालेख तथा बीमाङकी, अण्डरराईटिङ, वित्तीय एंव लेखापरीक्षण र सूचना प्रविधि सम्बन्धी विवरणहरु समितिलाई प्राप्त हुने अपेक्षा समितिको रहेको छ ।
उक्त सफ्टवेयर मार्फत बीमा कम्पनीहरुबाट भएका स्थलगत सुपरीवेक्षण, गैर स्थलगत सुपरीवेक्षण, कृषि तथा लघु बीमा र पुनर्बीमा सम्बन्धी विवरणहरुका साथै इजाजत, बीमा अभिकर्ता तथा सर्भेयर र व्यवस्था सूचना प्रणाली सम्बन्धी विवरणहरु समितिलाई प्राप्त हुने व्यवस्था गरिएको छ ।
वि.सं.२०७८ साउन १ शुक्रवार १७:२७ मा प्रकाशित