काठमाडौं । माछापुच्छ्रे बैंकले स्याङ्गजाको वालिङ्गनगरपालिका स्थित मालपोत कार्यालयमा एक्सटेन्सन काउण्टर स्थापना गरेको छ ।
मालपोल कार्यालयको राजश्व संकलन तथा त्यस वरपरका बासिन्दाको बैंकिङ्ग आवश्यकतालाई मध्यनजर गर्दै बैंकले उक्त एक्सटेन्सन कार्यालय संचालनमा ल्याएको हो ।
मंगलबारदेखि संचालनमा ल्याईएको एक्सटेन्सन काउण्टरको वालिङ्ग नगरपालीकाका मेयर दिलिप प्रताप खाँड उद्घाटन गर्नुभएको थियो ।
बैंकले देशका हरेक वर्ग र समुदायसम्म बैंकिङ्ग सेवाको पहुँचका लागि नयाँ–नयाँ स्थानहरुमा सेवा विस्तार गर्दै आएको छ ।
बैंकले पूर्वमा झापादेखि पश्चिममा कन्चनपुर साथै हिमाल देखि पहाड र तराई गरी सातै प्रदेशमा आफ्ना १६१ वटा शाखाहरु र १६५ शाखारहित बैकिङ्ग सेवा, ५ एक्सटेन्सन काउण्टर समेत गरी जम्मा ३३१ स्थानवाट ९ लाखभन्दा बढि ग्राहकहरुमा सम्पुर्ण बंैकिङ्ग सुविधा प्रदान गरिरहेको छ । साथै देशभर २०२ वटा एटीएमहरु संचालनमा रहेको छन् ।
वि.सं.२०७८ साउन ५ मंगलवार १८:०१ मा प्रकाशित
