काठमाडौं । साताको पहिलो कारोबार दिन सुनको मूल्यमा गिरावट आएको छ । आइतबार नेपाली बजारमा छापावाला सुनको मूल्य तोलामा १ सय रुपैयाँले घटेको हो ।
अघिल्लो दिन अर्थात शुक्रवार प्रतितोला ९२ हजार १ सय रुपैयाँमा कारोबार भएको सुनको मूल्य आज भने घटेर ९२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको भाउ भने ९१ हजार ५ सय रुपैयाँ निर्धारण भएको छ । अघिल्लो कारोबार दिन ९१ हजार ६ सय रुपैयाँमा खरिदबिक्री भएको थियो ।
यस्तै, आइतबार चाँदीको मूल्य पनि ओरालो लागेको छ । उक्त दिन प्रतितोला १० रुपैयाँले घटेर १ हजार २७० रुपैयाँ कायम भएको छ । अघिल्लो कारोबार दिन चाँदीको भाउ १ हजार २८० रुपैयाँमा खरिदबिक्री भएको महासंघले जनाएको छ ।
वि.सं.२०७८ साउन १० आइतवार ११:५१ मा प्रकाशित
