काठमाडौं । मनकामना स्र्माट लघुवित्त वित्तीय संस्थाको आईपीओ नेपाल स्टक एक्सचेञ्ज(नेप्से)मा सूचीकृत भएको छ ।
स्टक कोड एमकेएलबि सहित आइतबार कम्पनीको १२ लाख ११ हजार ५ सय कित्ता सेयर नेप्सेमा सूचीकृत भएको हो । उक्त आईपीओ सोमबारदेखि कारोबारमा आउने छ ।
नेप्सेले उक्त सेयर पहिलो कारोबारको लागि ११० रुपैयाँ ५२ पैसा देखि ३३२ रुपैयाँ ५२ पैसासम्म ओपनिङ्ग रेञ्ज तोकेको छ । नेप्सेले कम्पनीको पहिलो कारोबारका लागि नेटवर्थको तीन गुणासम्म मूल्य रेञ्ज तोक्ने गर्दछ । सोही आधारमा कम्पनीको आईपीओले उक्त रेञ्ज पाउने भएको हो ।
कम्पनीले असार १७ देखि २१ गतेसम्म कुल ३ लाख ८९ कित्ता आइपीओ निष्कासन गरेको थियो । जसमा ६ हजार ५८ कित्ता कम्पनीका कर्मचारी र १९ हजार ४५० कित्ता सेयर म्युचुअल फन्डहरुलाई छुट्याएको थियो ।
कम्पनीको सेयर ३६ हजार ३४७ जनालाई १० कित्ता र २ जनालाई ११ कित्ता गरी ३६ हजार ३४९ जनाले हात पारेका थिए ।
वि.सं.२०७८ साउन १७ आइतवार १४:०६ मा प्रकाशित
